Golpe de calor: como evitalo e que facer se pasa

Os cans suan moi pouco e recaléntanse rápido. Os sinais de alarma, os primeiros auxilios e as razas que máis risco teñen.

Quen ten máis risco

As razas de fociño curto, como bulldogs, carlinos ou bóxer.
Os cachorros, os animais maiores e os que teñen sobrepeso ou problemas de corazón.
Os de pelo moi denso.
Os coellos, cobaias e outros pequenos mamíferos, que tamén o pasan moi mal coa calor.

Como evitalo

Pasea a primeira hora e a última do día, e evita o asfalto quente: pon a man; se queima para ti, queima para el.
Auga fresca sempre, tamén no paseo.
Nunca o deixes no coche, nin un momento (Lei 7/2023, art. 24.2.d).
Sombra e un sitio fresco na casa. Unha manta refrescante axuda.

Sinais de alarma

Alasado moi forte, baballa, lingua e enxivas moi vermellas ou moradas, cambaleo, vómitos, desorientación ou desmaio.

Que facer

Lévao á sombra, móllao con auga fresca, non xeada, sobre todo no pescozo, nas axilas, nas ingas e nas patas, e ofrécelle auga sen obrigalo a beber. E chama ao veterinario ou vai a urxencias aínda que pareza recuperarse: o golpe de calor pode causar danos que non se ven.