Vacinas e desparasitacións: o básico para non perderse

Vacinas

Os cachorros e os gatiños reciben varias doses nos seus primeiros meses, e logo recordos ao longo da súa vida. Que vacinas son obrigatorias decídeo cada comunidade autónoma. A da rabia éo en moitas para os cans, e é obrigatoria para viaxar pola Unión Europea. O teu veterinario dirache o calendario do teu animal.

Parasitos internos

Lombrigas e outros parasitos intestinais. Trátanse con pastillas ou pastas. A frecuencia depende da idade, o estilo de vida (se caza, se vai ao campo, se convive con nenos) e a zona.

Parasitos externos

Pulgas, carrachas e mosquitos, que nalgunhas zonas transmiten enfermidades graves, como a leishmaniose ou a filaria. Pregúntalle ao teu veterinario que protección necesita o teu animal segundo onde vivas e viaxes. En Petuki non vendemos antiparasitarios: son produtos que che debe recomendar o veterinario.

Non esquezas as datas

Apunta cada vacina e desparasitación na súa cartilla e en «As miñas mascotas», onde podes poñer recordatorios con data.